Dirigentka Judith Kubicec

Judith Kubicec

Serbska dirigentka Judith Kubicec narodźi so w Budyšinje, studowaše we Weimaru, w Parisu a na Royal Academy of Music w Londonje, mjez druhim pola Sira Colina Davisa a Sira Charlesa Mackarrasa.

Swój powołanski puć nastupi 1999 při statnym dźiwadle w Kasselu. Sćěhowaštej angažementaj jako prěnja kapałnica při statnymaj dźiwadłomaj w Choćebuzu a Schwerinje. Judith Kubicec nawjedowaše hóstne produkcije při Komiskej operje Berlin a Koncertnym dźiwadle Bern a běše hudźbna nawodnica mjez druhim Berlinskich Jězorowych swjedźenskich hrow a Komorneje opery Rheinsberg.

Wot lěta 2013 je dirigentka Filharmonije Baden-Baden. Nimo prawidłowneho koncertowanja z tutym a dalšimi orchestrami w Němskej wjedźechu ju mjezynarodne angažementy do Kolumbiskeje, Japanskeje, Južneje Afriki, Francoskeje, Čěskeje, Pólskeje a Nižozemskeje. K wjerškam aktualneje hrajneje doby liča hóstne koncerty w Nižozemskej a Francoskej kaž tež koncertna turneja po Chinje.